Literatura

Maneiras de vivir comeza coma unha melodía suave que se vai convertendo nun thriller trepidante e actual que corta o alento conforme avanza. Pero tamén é unha novela dentro doutra novela, na que se mesturan ficción e realidade. Todo comeza cando un escritor topa de novo co guitarrista e cantante dun grupo de rock que admiraba de noviño e decide entrevistalo para contar a súa historia. Saen moitas emocións aí, que afectan todas a idades e condicións. E un amor incondicional pola música, que funciona como motor de todos os personaxes, mesmo nas situacións máis perigosas ou límites.