Literatura

Marilar Aleixandre goza soñando historias e despois escríbeas no papel para que outras persoas gocen con elas. Estudou bioloxía e dedicouse durante un tempo a correr detrás dos escaravellos, antes de correr detrás de palabras como nifroso ou zalapastrán. Os seus libros de contos e poemas recibiron diversos premios como o Lazarillo, o da Crítica de Galicia, o Rañolas e o Merlín, e foron seleccionados na Lista White Raven da Biblioteca de Múnic. Vive en Santiago de Compostela, onde ensina como ensinar ciencias na universidade.